tirsdag 24. februar 2015

பூவரசம் பூக்கள்....

குதூகலமான
பூவரச
மரங்களின்  
குற்றம்
குறை இல்லாத
இந்த
மஞ்சள் நிறச்
சேலையை
மங்கலத்தில்
சேர்பதில்லை...

அதனால்தானோ
மன்னவனின்
நினைவோடு
தலையத்
தொங்கப்போட்டு
பருவம்
எல்லாம்
விணாகிப் போகிற
தெருவோரத்
தேவதை....

நகரங்களின்
அவசரத்தைப்
புறக்கணித்து விட்டு
நாடுப்புறத்தில்
ஏழைக் குடித்தனம்
போன
தாவணிப் பெண்ணின்
தவிப்புகள்
இதயவடிவில்  உள்ள
இலைகளோடு
மட்டுமே....

வீதிகளிலும்
வேலிகளிலும்
குளத்தம் கரையிலும்
பூ அரசுகளின் கீழே
அமைதியாக
அசைபோடும்
மாடுகளுக்கு
இந்த வீணையின்
ராக சுரம்
நாதஸ்வரம் வாசிக்கலாம்..

பூத்திருக்கும்
காலத்தை விடக்
காத்திருக்கும்
கனவுகளோடு
வாழப்பழகி விட்டது
கண் அசைவில்
ஜீவ நதியை
மஞ்சள் வானத்துக்கு
சமாந்தரமாக
வானவில்லாக
வளைக்கும்
பூவரசம்
பூக்கள்.

நாவுக் அரசன்
ஒஸ்லோ 15.02.15

விரல்களில் மொட்டுக்கள் விட்டுச்சென்ற வாசம்..

மவுனமாக
இருக்க
எவ்வளவு முறை
முடிகிறதோ
அவ்வளவு தடவை
மல்லிகையைக்
கோர்த்து கொண்டே
மாலை கட்டி
முடிக்கிறாள்,,,,

ஒற்றைச்
சரமாலை
எவ்வளவு
நீளமாகிறதோ
அது வரை
மொட்டுக்கள்
கூந்தலோடு
முத்தமிடுகின்றன.....

பூக்களின்
சுவாசம் உள்ளே
செல்லும்போது
அதனுடன்
உள்ளே சென்று
வெளியே வரும்போது
அதனுடன்
நந்தவனமாகி
வெளியே வருகிறாள்..

ஆண்டாள் மாலைக்
கனவுகள்
கல்யாண மாலையாகி
வருவதற்க்கு முன்
ஒரு கணம்
சுவாசத்தில்
இடைவெளி வரும்....

புத்துணர்வு தரக்கூடிய
வேறுபட்ட
குணத்தில் இருக்கும்
நேரம் வரை
சின்னப் புன்சிரிப்பு
தொடர
இந்தக்  கவனித்தல்
புறாக்களால்
தொடரப்படுகிறது...

கனவு
மாலைகள்
கை மாறிய பின்
வாடாத
மல்லிகையின்  மனதில்
எங்கோ ஆழத்தில்
இடைவெளிகளை
நிரப்ப
இரவு முழுவதையும்
தியானமாக்கி விடுகிறது
விரல்களில்
மொட்டுக்கள்
விட்டுச் சென்ற
வாசம்.

நாவுக் அரசன்
ஒஸ்லோ 16.02.15

ஹோல்மன்ஹோலன்.. ஒஸ்லோவின் கதை 002.

பிரான்ஸ் பாரிஸில் உள்ள காலச்சார நினைவுச் சின்னம் ஈபெல் கோபுரம் போலவே நோர்வேயின் தலைநகர் ஒஸ்லோவில் விளையாட்டுக்கு என அமைக்கப்பட்ட செயற்கையான ஒரு இரும்பு வலைப்பின்னல் கட்டிட அமைப்பு ஹோல்மன்ஹோலன் உறைபனி சறுக்கு வழித்தடம்.

ஒஸ்லோ நகரின் வடக்கு ,வடமேற்க்கு எல்லை விழும்பில் உள்ள பல மலைக் குன்றுகளில் உயரமான ஒரு குன்றான ஹோல்மன்ஹோலன் என்ற இடத்தில பல சிரமங்களுக்கு பின் இதை அமைத்து உள்ளார்கள். கொஞ்சம் ஒஸ்லோவில் இருக்கும் எந்த உயரமான கட்டிடத்தில் இருந்து பார்த்தாலும் இதைப் பார்க்கலாம். இதை எழுதிக்கொண்டு இருக்கும் மேசையின் அருகில் உள்ள ஜன்னல் ஊடாகவே என்னால் இதைப் பார்க்க முடியும் .

நோர்வே மக்கள் பிறக்கும்போதே பனிச்சறுக்கு டெக்னிக்குகள் அவர்களின் ரத்த ஜீன் அமைப்புக்களில் சேர்த்துக்கொண்டு பிறப்பவர்கள். வயது ,பால் வேறுபாடு இன்றி அவர்களின் விண்டர் உறைபனிக்கால வெளிப்புற உற்சாகங்களில் முக்கியமானது ஸ்கி என்ற உறைப்பனியில் சறுக்கும் விளையாட்டு.

அதில பல வகையான விளையாடுக்கள் இருக்கு, மிக உயரமான இடத்தில இருந்து இரண்டு கால்களிலும் கொழுவியுள்ள நீண்ட வழுக்கும் மெட்டல் தகட்டின் உதவியுடன் உந்தித் தள்ளி, உறைபனியில் வழுக்கி கீழ்நோக்கி வரும் போது இடையில் வீரமாகப் பறவைபோல காற்றில் மிதந்து மறுபடியும் தரையை வழுக்கித் தொடும் தீரமான விளையாட்டு .பார்க்கப் பயங்கரமான விளையாட்டு இந்த ஸ்கி ஜம்ப்பிங். ஆனால் இங்கே இளையவர்கள் பயப்பிடாமல் அதில பாய்ந்து விளையாடுவார்கள்.

நூறு வருடங்களின் முன்னர், நோர்வேயின் பல இடங்களில் உள்ள மலைகளின் உச்சியில் இருந்து சறுக்குவது போலவே இயற்கையாகவே சரிவான இந்த ஹோல்மன்ஹோலன் மலையில் இருந்தும் உறைபனியில் சறுக்கி இருக்குறார்கள். இரும்பில் கட்டப்படும் கட்டிட தொழில்நுட்ப வளர்ச்சி வந்தபோது சின்னதாக ஒரு உறைபனி சறுக்கு வழிதடம் கட்டிப் , பின்னர் அதை உடைத்துப்போட்டு இப்ப உள்ள இந்த தடம் கட்டி இருக்கிறார்கள்.

2010 இல் நோர்வே உலக விண்டர் விளையாட்டு சாம்பியன்ஷிப் போட்டி நடத்த தெரிவுசெய்த போது இதை இன்னும் மொடேர்ன் ஆக்கி ஒஸ்லோ நகரத்தில் இருந்து நேராக இந்த மலை உச்சிக்கு மேல் நோக்கிப் போகும் மெட்ரோ ரயில்ப் பாதை அமைத்தார்கள் ,

2010 இல் நடந்த உலக விண்டர் விளையாட்டு சாம்பியன்ஷிப் போட்டி சும்மா விடுப்பு பார்க்கப் போனபோது. கடைசி மெட்ரோ ஸ்டேஷன் இல் இறங்கி அங்கிருந்து, சில கிலோமீடர் தூரம் கால்களால் சறுக்கி, வழுக்கி ,வளைந்து வளைந்து சிவனொளிபாத மலை ஏறியது போல நடந்துதான் அந்த நிகழ்ச்சி பாக்க மலை உச்சிக்குப் போகவேண்டி இருந்தது.

அந்த மலையில் நின்றே ஹோல்மன்ஹோலன் உறைபனி சறுக்கு வழித்தடத்தை நிமிர்ந்து அண்ணாந்து பார்க்க, அதன் உச்சியில் பாய தயாராக இருந்த வீரர்கள் சின்னப் பூச்சி போலதான் தெரிந்தார்கள். அவர்கள் சறுக்கிப் பாந்து அந்தரத்தில் பறந்து நேராக கீழே பவிலியனில் இருந்த பார்வையாளர் மேல வந்து இறங்குவது போல தான் இருந்தது. உண்மையில் இந்தக் கட்டிடத்தின் பிரமாண்டத்தை விட பாய்பவர்களின் நம்பிக்கை உயரமா இருந்தது. சறுக்கினால் சவுக்காலை போன்ற ஆபத்துள்ள விளையாட்டில் அப்படி நம்பிக்கை இருந்தால் தான் பாய முடியும்.

அந்தக் ஹோல்மன்ஹோலன் உறைபனி சறுக்கு வழிதடத்துக்கு அருகில் இருந்து கீழே பார்க்க ஒஸ்லோ நகரம் முகில்களுக்கு கீழே, நீலக் கடலின் விளிம்பில் இருக்கிறது தெரியாமல் சின்னதாக இருக்க, அந்த அழகு நகரத்தின் பூங்காக்கள் பச்சைத் திட்டுகளா இடை இடையே தெரிய , அந்த நகரத்தின் ஒஸ்லோ பியோட் கடல் விளிம்பில் இருந்த ஆர்க்கி புருக்கி உல்லாச வீடுகள் அம்மச்சியா குளக்கரையில் வளரும் மூக்குத்திப் பூ போல அமுங்கிக் கிடக்க, நகரத்தின் மிக உயரமான கண்ணாடி மாளிகை ராடிசன் பிளாசா ஹோட்டல் சூரிய ஒளியில் மின்னி மின்னி தாம்பாளம் போலத் தகதகக்க,

ஏறக்குறைய மற்றைய உயரமான கட்டிடங்கள் எல்லாமே ஏழை பணக்காரன் வித்தியாசம் இல்லாமல் சமமாகத் தெரிய, நகர விளிம்பில் இருந்த மலைகள் மிகச் சிறியதாக முழங்காலில் குந்தி இருந்து மண்டியிட , வளைந்து நெளிந்து ஓடும் ஒஸ்லோவின் நதி ஆர்கிஸ் எல்வா தாமோதரவிலாஸ் சாம்பாறு போலக் கலங்கி ஓட, பள்ளத்தாக்குகளுக்கு இரு பக்கமும் கலைத்துப்போட்ட படுக்கை விரிப்புப் போலத் தெரிந்தன அதிகம் உயரம் இல்லாத குருருட்டாலன் குன்றுகள்.

விண்டர் காலத்தில் இந்த ஹோல்மன்ஹோலன் உறைபனி சறுக்கு வழிதடதில் நோர்வே மட்டத்தில் ஒவ்வொரு வருடமும் போட்டிகள் நடக்கும், கனவுகளோடு வளரும் எதிர்கால நோர்வே நட்சத்திரங்களை அதில் உருவாக்குவார்கள். உலக அளவில் எல்லா நாடுகளில் இருந்தும் உறைபனி விளையாடுக்களில் ஆர்வம் உள்ளவர்கள் இந்த ஹோல்மன்ஹோலன் உறைபனி சறுக்கு வழிதடம் பார்க்க உல்லாசப்பயணிகளாக வருகிறார்கள்.

அந்த இடத்தில நோர்வேயின் விண்டர் விளையாட்டு வரலாறு சொல்லும் ஒரு முயுசியமும் இருக்கு. நோர்வே நாட்டு அரசரின் விண்டர் கால உத்தியோகபூர்வ விடுமுறை வாசஸ்தலம், மத்தியகால நோர்வே கட்டிடக்கலையில் முழுவதும் மரத்தால் கட்டப்பட்ட கிறிஸ்தவ தேவாலயம், மலை மேல் இருந்து உலகைப் பார்த்து உணவு உண்ணும் மொடேர்ன் ரெஸ்றோரென்ட் ஒன்றும் இருக்கு.

வியந்து பார்ப்பதுக்கு அதிகம் இல்லாத ,வெளி உலக சுவாரஸ்சியத்தை நாங்களே உருவாக்கவேண்டிய அவலம் நிறைந்த ,அமைதியான ,அடக்கமான ஒஸ்லோ நகரத்தில் " என்னைப் பார் என் அழகைப் பார், என்னைப் பார் என் வளைவுகளைப் பார் " என்று அழகான நீல நயனங்களில் நளினமாக நடக்கும் இளம் நோர்வே பெண்களுக்குப் போட்டியாக அழைப்பது போல கவர்ச்சியான ஒரு அமைப்பில் இருக்கும் ஹோல்மன்ஹோலன் உறைபனி சறுக்கு வழிதட அதிசயம் ஒஸ்லோவின் பிரத்தியேக லேன்ட் மார்க் .

விண்டர் உறைபனிக் காலத்திலும் நேரத்தோடு வெளிச்சத்தைப் பறிகொடுத்து விட்டு, நீலநிறத்தை தொலைத்துவிட்ட வானத்தின் மயக்கும் மாலைப்பொழுதிலும், நேசம் இல்லாத மோசமான குளிர் காற்று முகமெல்லாம் வீசி அடிக்க " என்னைத் தொட்டு விட யாரும் இல்லை " என்று நிமிர்ந்து பார்க்க வைக்கிறது ஹோல்மன்ஹோலன் உறைபனி சறுக்கு வழிதடம்.



நாவுக் அரசன்

ஒஸ்லோ17.02.15

ஹோல்மன்ஹோலன் உறைபனி சறுக்கு வழித்தடம்

பிரான்ஸ் பாரிஸில் உள்ள காலச்சார நினைவுச் சின்னம் ஈபெல் கோபுரம் போலவே நோர்வேயின் தலைநகர் ஒஸ்லோவில் விளையாட்டுக்கு என அமைக்கப்பட்ட செயற்கையான ஒரு இரும்பு வலைப்பின்னல் கட்டிட அமைப்பு ஹோல்மன்ஹோலன் உறைபனி சறுக்கு வழித்தடம்.

ஒஸ்லோ நகரின் வடக்கு ,வடமேற்க்கு எல்லை விழும்பில் உள்ள பல மலைக் குன்றுகளில் உயரமான ஒரு குன்றான ஹோல்மன்ஹோலன் என்ற இடத்தில பல சிரமங்களுக்கு பின் இதை அமைத்து உள்ளார்கள். கொஞ்சம் ஒஸ்லோவில் இருக்கும் எந்த உயரமான கட்டிடத்தில் இருந்து பார்த்தாலும் இதைப் பார்க்கலாம். இதை எழுதிக்கொண்டு இருக்கும் மேசையின் அருகில் உள்ள ஜன்னல் ஊடாகவே என்னால் இதைப் பார்க்க முடியும் .

நோர்வே மக்கள் பிறக்கும்போதே பனிச்சறுக்கு டெக்னிக்குகள் அவர்களின் ரத்த ஜீன் அமைப்புக்களில் சேர்த்துக்கொண்டு பிறப்பவர்கள். வயது ,பால் வேறுபாடு இன்றி அவர்களின் விண்டர் உறைபனிக்கால வெளிப்புற உற்சாகங்களில் முக்கியமானது ஸ்கி என்ற உறைப்பனியில் சறுக்கும் விளையாட்டு.

அதில பல வகையான விளையாடுக்கள் இருக்கு, மிக உயரமான இடத்தில இருந்து இரண்டு கால்களிலும் கொழுவியுள்ள நீண்ட வழுக்கும் மெட்டல் தகட்டின் உதவியுடன் உந்தித் தள்ளி, உறைபனியில் வழுக்கி கீழ்நோக்கி வரும் போது இடையில் வீரமாகப் பறவைபோல காற்றில் மிதந்து மறுபடியும் தரையை வழுக்கித் தொடும் தீரமான விளையாட்டு .பார்க்கப் பயங்கரமான விளையாட்டு இந்த ஸ்கி ஜம்ப்பிங். ஆனால் இங்கே இளையவர்கள் பயப்பிடாமல் அதில பாய்ந்து விளையாடுவார்கள்.

நூறு வருடங்களின் முன்னர், நோர்வேயின் பல இடங்களில் உள்ள மலைகளின் உச்சியில் இருந்து சறுக்குவது போலவே இயற்கையாகவே சரிவான இந்த ஹோல்மன்ஹோலன் மலையில் இருந்தும் உறைபனியில் சறுக்கி இருக்குறார்கள். இரும்பில் கட்டப்படும் கட்டிட தொழில்நுட்ப வளர்ச்சி வந்தபோது சின்னதாக ஒரு உறைபனி சறுக்கு வழிதடம் கட்டிப் , பின்னர் அதை உடைத்துப்போட்டு இப்ப உள்ள இந்த தடம் கட்டி இருக்கிறார்கள்.

2010 இல் நோர்வே உலக விண்டர் விளையாட்டு சாம்பியன்ஷிப் போட்டி நடத்த தெரிவுசெய்த போது இதை இன்னும் மொடேர்ன் ஆக்கி ஒஸ்லோ நகரத்தில் இருந்து நேராக இந்த மலை உச்சிக்கு மேல் நோக்கிப் போகும் மெட்ரோ ரயில்ப் பாதை அமைத்தார்கள் ,

2010 இல் நடந்த உலக விண்டர் விளையாட்டு சாம்பியன்ஷிப் போட்டி சும்மா விடுப்பு பார்க்கப் போனபோது. கடைசி மெட்ரோ ஸ்டேஷன் இல் இறங்கி அங்கிருந்து, சில கிலோமீடர் தூரம் கால்களால் சறுக்கி, வழுக்கி ,வளைந்து வளைந்து சிவனொளிபாத மலை ஏறியது போல நடந்துதான் அந்த நிகழ்ச்சி பாக்க மலை உச்சிக்குப் போகவேண்டி இருந்தது.

அந்த மலையில் நின்றே ஹோல்மன்ஹோலன் உறைபனி சறுக்கு வழித்தடத்தை நிமிர்ந்து அண்ணாந்து பார்க்க, அதன் உச்சியில் பாய தயாராக இருந்த வீரர்கள் சின்னப் பூச்சி போலதான் தெரிந்தார்கள். அவர்கள் சறுக்கிப் பாந்து அந்தரத்தில் பறந்து நேராக கீழே பவிலியனில் இருந்த பார்வையாளர் மேல வந்து இறங்குவது போல தான் இருந்தது. உண்மையில் இந்தக் கட்டிடத்தின் பிரமாண்டத்தை விட பாய்பவர்களின் நம்பிக்கை உயரமா இருந்தது. சறுக்கினால் சவுக்காலை போன்ற ஆபத்துள்ள விளையாட்டில் அப்படி நம்பிக்கை இருந்தால் தான் பாய முடியும்.

அந்தக் ஹோல்மன்ஹோலன் உறைபனி சறுக்கு வழிதடத்துக்கு அருகில் இருந்து கீழே பார்க்க ஒஸ்லோ நகரம் முகில்களுக்கு கீழே, நீலக் கடலின் விளிம்பில் இருக்கிறது தெரியாமல் சின்னதாக இருக்க, அந்த அழகு நகரத்தின் பூங்காக்கள் பச்சைத் திட்டுகளா இடை இடையே தெரிய , அந்த நகரத்தின் ஒஸ்லோ பியோட் கடல் விளிம்பில் இருந்த ஆர்க்கி புருக்கி உல்லாச வீடுகள் அம்மச்சியா குளக்கரையில் வளரும் மூக்குத்திப் பூ போல அமுங்கிக் கிடக்க, நகரத்தின் மிக உயரமான கண்ணாடி மாளிகை ராடிசன் பிளாசா ஹோட்டல் சூரிய ஒளியில் மின்னி மின்னி தாம்பாளம் போலத் தகதகக்க,

ஏறக்குறைய மற்றைய உயரமான கட்டிடங்கள் எல்லாமே ஏழை பணக்காரன் வித்தியாசம் இல்லாமல் சமமாகத் தெரிய, நகர விளிம்பில் இருந்த மலைகள் மிகச் சிறியதாக முழங்காலில் குந்தி இருந்து மண்டியிட , வளைந்து நெளிந்து ஓடும் ஒஸ்லோவின் நதி ஆர்கிஸ் எல்வா தாமோதரவிலாஸ் சாம்பாறு போலக் கலங்கி ஓட, பள்ளத்தாக்குகளுக்கு இரு பக்கமும் கலைத்துப்போட்ட படுக்கை விரிப்புப் போலத் தெரிந்தன அதிகம் உயரம் இல்லாத குருருட்டாலன் குன்றுகள்.

விண்டர் காலத்தில் இந்த ஹோல்மன்ஹோலன் உறைபனி சறுக்கு வழிதடதில் நோர்வே மட்டத்தில் ஒவ்வொரு வருடமும் போட்டிகள் நடக்கும், கனவுகளோடு வளரும் எதிர்கால நோர்வே நட்சத்திரங்களை அதில் உருவாக்குவார்கள். உலக அளவில் எல்லா நாடுகளில் இருந்தும் உறைபனி விளையாடுக்களில் ஆர்வம் உள்ளவர்கள் இந்த ஹோல்மன்ஹோலன் உறைபனி சறுக்கு வழிதடம் பார்க்க உல்லாசப்பயணிகளாக வருகிறார்கள்.

அந்த இடத்தில நோர்வேயின் விண்டர் விளையாட்டு வரலாறு சொல்லும் ஒரு முயுசியமும் இருக்கு. நோர்வே நாட்டு அரசரின் விண்டர் கால உத்தியோகபூர்வ விடுமுறை வாசஸ்தலம், மத்தியகால நோர்வே கட்டிடக்கலையில் முழுவதும் மரத்தால் கட்டப்பட்ட கிறிஸ்தவ தேவாலயம், மலை மேல் இருந்து உலகைப் பார்த்து உணவு உண்ணும் மொடேர்ன் ரெஸ்றோரென்ட் ஒன்றும் இருக்கு.

வியந்து பார்ப்பதுக்கு அதிகம் இல்லாத ,வெளி உலக சுவாரஸ்சியத்தை நாங்களே உருவாக்கவேண்டிய அவலம் நிறைந்த ,அமைதியான ,அடக்கமான ஒஸ்லோ நகரத்தில் " என்னைப் பார் என் அழகைப் பார், என்னைப் பார் என் வளைவுகளைப் பார் " என்று அழகான நீல நயனங்களில் நளினமாக நடக்கும் இளம் நோர்வே பெண்களுக்குப் போட்டியாக அழைப்பது போல கவர்ச்சியான ஒரு அமைப்பில் இருக்கும் ஹோல்மன்ஹோலன் உறைபனி சறுக்கு வழிதட அதிசயம் ஒஸ்லோவின் பிரத்தியேக லேன்ட் மார்க் .

விண்டர் உறைபனிக் காலத்திலும் நேரத்தோடு வெளிச்சத்தைப் பறிகொடுத்து விட்டு, நீலநிறத்தை தொலைத்துவிட்ட வானத்தின் மயக்கும் மாலைப்பொழுதிலும், நேசம் இல்லாத மோசமான குளிர் காற்று முகமெல்லாம் வீசி அடிக்க " என்னைத் தொட்டு விட யாரும் இல்லை " என்று நிமிர்ந்து பார்க்க வைக்கிறது ஹோல்மன்ஹோலன் உறைபனி சறுக்கு வழிதடம்.

நாவுக் அரசன்
ஒஸ்லோ17.02.15

கணக்கில் எடுக்கப்படாத கடதாசிப் பூ

வெய்யிலை
நிரந்தரமாகவே
நட்பாக
வைத்துக்கொண்டு
தண்ணியில்லாக்
காட்டிலும்
சுண்ணாம்பு  மண்ணோடு
ஒப்பந்த அடிப்படையில்
வேர் விட்டு....

குடாநாட்டுக்கு
எல்லா நிறங்களிலும்
கலந்து தெளித்து
நீளமாக
விலாசம் தந்தும்
அருச்சனைத் தட்டை
அலங்கரிக்கும்
உரிமைகள்
மறுக்கப்பட்டு....

தூக்கம் வராத
காற்றோட்டமான
இரவில்
தூங்கப் போகாத
விண் மீன்களுக்குக்
காதல்க் கடிதமெழுதி
தேன் வழியும்
மலர்களோடு
போட்டி போட்டுத்
தோற்றுப்போய்க்...

காதலிக்கத்
தேவையான
தகுதியில்
வருடம் முழுவதும்
வாசம் இல்லாததால்
வண்டுகள்
நிராகரித்த...

மார்கழிப்
பனி நீருக்குள்ளும்
கண்ணீரில்
முகம் கழுவி
அழுது களைத்துப்
பொலிவிழந்து
போன வரை
கணக்கில்
எடுக்கப்படாத
கடதாசிப் பூ
போகன்வில்லா.

நாவுக் அரசன்
ஒஸ்லோ18.02.15

அனுபவம் வயதாகிய காலத்தில்..

அறியாமை
கடவுளின்
அகராதியில்
ஆனந்தமாக
குழந்தைகள்
அதைக்
கண்டுபிடித்து
விடுகிறார்கள்..

அனுபவம்
வயதாகிய
காலத்தில்
நாங்கள்
தடுமாறும்  நிலையில்
ஆன்மிகத்தின்
முதல்
அனுபவம்
இப்பவும்
அவர்களிடம் தான்
இருக்கிறது ....

புத்தகங்களில்
நாங்கள்
மரமாக நின்று
அறிவைத் தேடுகிறோம்
அவர்களோ
அதில்
விதையாகி
வாழ்க்கையாகவே
தொலைந்து
போகிறார்கள் ...

அவர்கள்
திறக்கும்போது
மடங்கிப் போன
புத்தகங்கள்
விழித்துக் கொள்கின்றன
மூடும் போது
சலித்துக் கொண்டே
ஒடுங்கிப்
போகின்றன....

அறிவு என்பது
ஆரம்பம் தான்
என நினைத்து
இறுக்கமான
எல்லாம் தெரிந்த
போலி முகத்தை
கழட்டி வைத்துப்போட்டு
குழந்தைகளுடன்
தர்கித்துப் பாருங்கள்
அதுதான்
நாங்கள்
மீண்டும்
குழந்தை ஆவதற்கு
ஒரே வழி.

நாவுக் அரசன்
ஒஸ்லோ 20.02.15

கோடுகள் தாண்டிய கும்மாளத்தில்...

தன் 
விருப்பப் பாடகனின் 
நெருப்பு இசையில்   
என்னையும் 
குளிர் காய வைக்க 
சிசிலியா 
குழைந்து அழைத்த 
நெருக்கமான 
கேளிக்கை நடன  
இரைச்சலில் 
நாமாகவே
இருந்து வார்த்தைகளைப் 
பகிர்ந்து கொள்ள
முடியவில்லை .....

கொண்டாட்டங்கள் 
அதிசயங்களை  
மறைத்து வைத்திருந்து 
அதற்கு
யார்
தயாராக இருக்கிறார்களோ
அவர்களின்
தனிமையைத்  தின்று
சின்னச் சந்தோசத்தையும் 
உபரியாகக் 
கொடுக்கின்றன ....

வேண்டுமென்றே
பின் பக்கம்
ரசித்து நசித்து 
இடித்துக்கொண்டு 
கடந்து சென்றவனை
வெறி மயக்கத்தில்
கவனிக்கத் தவறி
வேறொருவனை   
ரகசியமாப்  பார்த்துக் 
கருணையோடு 
சிரித்தாள் 
சிசிலியா....

பாதி பாதியாக
எதிர் எதிராக
போய்க்கொண்டிருந்த 
பாடலில் மயங்கி  
சம்பெயின்  
வைன் வடிசலை 
முழுங்கிப் போட்டு
பிக்காசோவின்
ஓவியம் போலப் 
பிசத்தினான்
அவள் காதலன்.......

கோடுகள் 
தாண்டிய 
கும்மாளத்தில் 
இலக்குகள்  
இல்லாதவர்களின்
விருப்புகள்  
எப்படியிருக்குமென்று
ஜோசிகாமலே போனது 
நடுநிசி  இரவு.....

உணர்ந்து 
வாழ்க்கையைக் 
கவனித்து 
உண்மைக்கு 
சாட்சியாயிருந்து 
மகிழ்ச்சியை 
கொடுக்க யாரும்
விரும்புவதில்லை
எல்லோரும்
பெற்றுக் கொள்ளவே
விரும்புகிறார்கள்.....

மிகவும் 
சவுகரியமான 
இருக்கையில் அமர்ந்து 
விடியும் வரை 
முன்னுக்கிருந்த 
சிசிலியாவின்
நண்பர்களுடன் 
அதிகம் உரையாடாமல் 
கண்ணுக்குத் 
தெரியாத 
மனசாட்சியுடன் 
பேசிக் கொண்டிருந்தேன்.


நாவுக் அரசன்
ஒஸ்லோ  22.02.15